لقمة القاضى (الزلابية):
نص كيلو دقيق – ربع كوباية نشا – معلقة كبيرة خميرة – نص معلقة ص ملح – نص معلقة كبيرة سكر – معلقتين زيت - نص كوباية مية دافية – معلقة كبيرة دقيق
نخلط الدقيق مع النشا ف طبق
وف طبق تانى نحط الخميرة مع الملح مع السكر مع الزيت مع المية مع معلقة الدقيق ونسبهم ف مكان دافى عشان يخمروا من نص الى ساعة وبعد ما يخمرو نضيف عليهم خليط الدقيق بالنشا ونقلب ونحط عليهم من نص الى كوباية مية دافية عشان تلف معاكى وتسبيها تانى تخمر لمدة ساعة
تسخنى الزيت اوى اوى وتضغطى بإيدك الشمال ع العجين وانتى ماسكة معلقة صغيرة مدهونه زيت عشان تسهل نزول العجينة ف الزيت وتعمل شكل الكور مظبوطة بإيدك اليمين تشيلى تقطعى الحتة اللى هاتخرج من بين صباع ايدك الكبير وتنزلى بيها على طول ف الزيت المغلى وهاكذا لحد ما العجينة تخلص وتقلبى بإستمرار فيها ولما تصفر تشليها وتصفيها خالص م الزيت وتنزليها بسرعة ف عسل تقيل بارد وتقلبيها جوه العسل كويس وتصفيها وبالهنا والشفا
العسل: كوباية مية على كوبايتين سكر ع النار ولما يغلو ترشى عصير نص لمونه وغلوتين كمان وتطفى النار وترشى كيس فانيليا حسب الرغبة وتسبيه يبرد خالص خالص عشان الزلابية تطلع معاكى مقرمشة
